Menu
Menu
Կենդանաբանական այգին հանդիսանում է հանրային կարևոր տարածք, որտեղ միաժամանակ համադրվում են այցելուների հոսքերը, կենդանիների պահպանման պայմանները և աշխատակիցների օպերացիոն աշխատանքը։
Երևանի կենդանաբանական այգին ներառում է բաց և փակ տարածքներ, կենդանիների վանդակներ, զբոսանքի գոտիներ, սննդի կետեր և ծառայողական հատվածներ։ Այն օրական ընդունում է մեծ թվով այցելուներ՝ հատկապես շաբաթ-կիրակի օրերին և տոների ընթացքում։ Այս բազմաֆունկցիոնալ միջավայրը պահանջում է հստակ կառավարվող անվտանգության համակարգ։
Այս նախագծի շրջանակում իրականացվել է անվտանգության համակարգի արդիականացում՝ տեղադրելով 120+ տեսախցիկներ, ապահովելով ամբողջ տարածքի տեսանելիություն և վերահսկելիություն։
Կենդանիների պահման գոտիներում չկար լիարժեք տեսանելիություն։ Անհնար էր արագ նկատել կենդանիների վարքագծի փոփոխությունները կամ հնարավոր վտանգավոր իրավիճակները։
Անվտանգության աշխատակիցները չունեին կենտրոնացված մոնիտորինգի համակարգ։ Ցանկացած միջադեպի արձագանքը ուշանում էր՝ տեղեկատվության բացակայության պատճառով։
Մուտքային հատվածներում հնարավոր չէր հստակ հասկանալ այցելուների քանակը և հոսքերի ուղղությունը։
Տեղադրվեցին բարձր որակի տեսախցիկներ՝ ծածկելով ամբողջ տարածքը։ Ապահովվեց 24/7 մշտադիտարկում:
Ստեղծվեց վերահսկման կենտրոն, որտեղ անվտանգության աշխատակիցները իրական ժամանակում հետևում են իրավիճակին։
Անվտանգության թիմը ստանում է անմիջական տեղեկացում կասկածելի գործողությունների դեպքում։ Սա զգալիորեն նվազեցնում է ռիսկերը։
Տեղադրված համակարգերը ապահովում են բարձր որակի պատկեր նաև գիշերային պայմաններում, ինչը կարևոր է տարածքի ամբողջական պաշտպանության համար։
Ամբողջ տարածքի վերլուծություն, ռիսկային և կարևոր գոտիների առանձնացում, տեսախցիկների տեղադրման օպտիմալ կետերի սահմանում:
Տեխնիկական լուծում՝ հաշվի առնելով տարածքի առանձնահատկությունները։
Տեղադրվել են բոլոր տեսախցիկները և միացվել միասնական համակարգին։
Սարքավորումների տեղադրումից հետո ծրագրային կարգավորում:
